Pisinnaatitaaffinnut, naleqassusermut ilisimasanullu tunngasunik paasititsiniaanerit
Paasititsiniaaneq una pilersinneqarpoq Danmarkimi kalaallit aammalu kalaallinut Kalaallit Nunaanni najugalinnut Danmarkimut nuunnissamik eqqarsaatersuuteqartunut paasititsiniaaneruvoq, sammisanut qitiusunut tunngasoq:
- Danskit systemiannik naapitaqarnermi oqalutseqarsinnaatitaaneq
- Uumissuilluni pinerlunneq immikkoortitsinerlu – misiginerini qanoq iliortoqassava
Kalaallit assigiinngeqisunik inuuneqarsimasut oqaluttuaat aallavigalugit paatitsiniaanerup qitiutippaa qanoq pisinnaatitaaffinnut tunngatillugu paasisakinneq toqqissisimanaatsigisinnaanersoq, qanoq paatsoortoqartigisinnaanersoq aammalu tusaaneqartutut misiginngiffiusinnaatigisoq; kisianni aamma paasititsineq qanoq nukkannartigisinnaanersoq, iliuuseqartitsisinnaanersoq peqatigiiffiutigisinnaanersorlu.
Siunertaanngilaq tikkuartuissalluni, kisianni paasinninnermik, ilisimasaqalernermik kiisalu danskit inuiaqatigiivini inooqataasinnaanissamut pitsaanerusumik ingerlasinnaanissaq siunertaapput.
Paasititsiniaaneq Nunanit Allaneersunut Akuunerulersitsinissamullu Ministeriaqarfik aqqutigalugu Nunanit Tamalaanit Sulisussarsiornermut Akuunerulersitsinissamullu Aqutsisoqarfimmit aningaasalerneqarpoq.
Paasititsiniaanermi nipit 8-t naapikkit
Brian Døssing
Sammisaq: Oqalutseqarsinnaatitaaneq
Brian Nuummi inunngorlunilu peroriartorpoq, Danmarkimilu ukiut 30-t sinnerlugit najugaqarsimalluni. Ajutoorujussuareernermi kingorna danskit systemiat pinngitsoorsinnaajunnaarpaa, oqaloqatigiinnerni ilungersunartuni pikkorissumik oqalutsissaqartutut misigisimaneqanngisaannarpoq.
Oqaluttuap oqariartuutai pingaarnerpaat:
- Oqalutsimik amigaateqarneq tunuarsimaarnermik paatsuunganermillu nassataqartarpoq
- Oqalutseqarsinnaatitaavutit, aamma danskisut oqalulaarsinnaagaluaruit
- Kulturitta, timitta oqariartuutaasa oqaatsittalu paasisimanissai pingaaruteqarpoq
Sørine Brandt
Sammisaq: Uumissuilluni pinerlunneq immikkoortitsinerlu
Sørine 2014-imi Danmarkimut nuuppoq, erniinnarlu misigaa qanoq immikkoortitsinerit annikitsut annertunerusullu timimut tarnimullu sunniuteqarsinnaanersut, pingaartumik oqaatsit akimmiffiugaangata.
Oqaluttuap oqariartuutai pingaarnerpaat:
- Immikkoortitsineq annikitsuullutillu annertusinnaasarput
- Oqalutsimik amigaateqarnerup pisut ajorseriartissinnaavai
- Kikkulluunniit isikkui suminngaanneerfiilu pillugit nikagineqartassanngillat
Jennifer Winther
Sammisaq: Uumissuilluni pinerlunneq aammalu aaqqissugaasumik immikkoortitsineq
Jennifer ukiorpassuarni sulilluartarsimavoq, taamaakkaluartoq danskit systemianniilerpoq. Oqaluttuaata takutippaa qanoq suminngaanneerneq aallaavigalugu isummamik pigiliussineq sulisitsisut oqartussallu naapinnerini piffimmiit piffimmut qanoq pisinnaanersoq.
Oqaluttuap oqariartuutai pingaarnerpaat:
- Immikkoortitsinerit ajoraluartumik sumi tamaani pisarput
- Kalaallit ataqqineqarnissamik naleqartinneqarnissamillu pisinnaateqaaffeqarput
- Pisinnaatitaaffiit pillugit ilisimasaqarneq aalajangiisuusarpoq
Oline Steenholdt
Sammisaq: Oqalutseqarsinnaatitaaneq nuunnginnermilu piareersarneq
Oline Danmarkimut nuuppoq pinartumik nappaateqarnini pissutigalugu. Oqaluttuaata takutippaa nuunnginnermi suut eqqumaffigineqartariaqarnersut, aammalu sooq oqalutseqarneq allatigullu piareersarneq qanoq pingaartigisinnaanersut.
Oqaluttuap oqariartuutai pingaarnerpaat:
- Nuunnermi piareersimanissaq aningaasatigullu tamakkiisumik isiginnissinnaanissaq pisariaqarpoq
- Oqalutseqarsinnaatitaaneq pingaaruteqarpoq, pingaartumik peqqinnissaqarfimmi
- Kalaallit tamarmik namminneq toqqagarinngilaat nuussallutik, tamanna amerlasuut puigortarpaat
Salomon Simonsen
Sammisaq: Oqalutseqarsinnaatitaaneq - pingaartumik meeqqanut inuusuttunullu
Salomon meeraalluni Danmarkimut pivoq, angerlarsimaffiullu avataanut inissinneqarpoq paasisinnaanagulu avatangiisimini qanoq pisoqarnersoq Aperineqarneq ajorpoq paasinersoq, kialluunniit oqalutseqarnissaanik neqeroorfiginngilaa.
Oqaluttuap oqariartuutai pingaarnerpaat:
- Meeqqat inuusuttullu aamma pisinnaatitaaffeqarput
- Oqalutsimik amigaateqarneq assut toqqissisimajunnaartitsisinnaavoq
- Pingaaruteqarpoq aperineqarnissaq, taavalu ilumut tusaaneqarluni
Karno Reimer
Sammisaq: Uumissuilluni pinerlunneq ulluinnarsiutigalugulu sumiuussuseq tunngavigalugu nikassaaneq
Karno inuunini tamaat sumiuunera tunngavigalugu nikassarneqartuartarsimavoq - bussini, suliffissarsiornermi, oqartussanik naapitaqarnermi kiisalu oqartussat susassaqarfiini sakkortuuliorfiginnertut ittumik pineqarsimalluni.
Oqaluttuap oqariartuutai pingaarnerpaat:
- Ulluinnarsiutigalugu sumiuussuseq tunngavigalugu nikassaaneq piffissap ingerlanerani kingunerlutsitsisinnaavoq
- Uumissuilluni pinerlunnerit pimoorullugit tiguneqartassapput
- Kalaallit killiliinissamut pisinnaatitaaffeqarput ikiornissamillu ujartuillutik
Nis Pedersen
Sammisaq: Uumissuilluni pinerlunneq aamma immikkoortitaaneq
Nis Nuummi inunngorlunilu peroriartorpoq ukiullu qulit Danmarkimi najugaqarluni. Oqaluttuarpoq sumiuussuseq tunngavigalugu nikaginninninneq ulluinnarni misinnarsiartuaarsinnaasoq, pingaartumik suliffeqarfinni pisortanillu naapitaqarnermi, qanorlu kisimi atorlugit assoroornarsinnaatigisoq.
Oqaluttuap oqariartuutai pingaarnerpaat:
- Sumiuussuseq tunngavigalugu nikaginninneq nuannariinnarlugu aallutarineqarsinnaasarpoq, ilaannilu pimoorunneqartarluni
- Amerlasuut killiliineq ajorput - pingaartumik oqaatsit akimmiffiugaangata
- Taamaammat ikiortissarsiorit, eqqaamajullu: Illit ajoquteqanngilatit
Pisinnaatitaaffitit ilisimakkit qanorlu iliorsinnaanerlutit
Paasititsiniaaneq una ilisimasanik, toqqissisimanermik iliuusissanullu periarfissanik tunisinissamik siunertaqarluni pilersinneqarpoq. Nammineerlutit arlaatigut immiussani takusattut ittumik misigisaqaruit imaluunniit siunissami misigisaqassagaluaruit maani pisinaatitaaffitit pillugit tamakkiisumik isiginniffeqalersinnaavutit, qanoqqissaarlu ilorsinnaanersutit paasillugu.
Ataani paasititsiniaanermi sammisat pingaarnerit marluk aallaavigalugit paasissutissat pingaarnerpaat katersorpavut:
Oqalutseqarsinnaatitaaneq aamma uumissuilluni pinerlunneq kiisalu immikkoortitsineq.
Piffinni tamani oqalutseqarsinnaatitaaneq
Danmarkimi kalaaliusutit oqartussaqarfinnik attaveqarnermi suliap eqqortumik suliarineqarnissaa qulakkeernissaanut pisariaqarpat oqalutseqarsinnaatitaavutit.
Eqqartuussinerni taamaallaat atuunnani aamma ukunani atuuppoq:
- Peqqinnissaqarfik
- Kommune aamma isumaginninnermut suliaqarfimmi
- Suliffissarsiortarfiit pisortallu suliffeqarfii allat
Danskisut paasilaarlutillu oqalulaarsinnaagaluaruilluunniit paatsoortoqaratarsinnaanerani oqalutseqarnissaq pisariaqarsinnaavoq. Suliat amerlasuut inuuninni, peqqinnissanni pisinnaatitaaffeqarninnilu annertuumik isumaqarsinnaapput, taamaammat pingaaruteqarpoq immissinnut paasilluarnissarsi.
Paasissallugu pingaarutilik:
- Inatsit naapertorlugu pisariaqartillugu oqalutseqarsinnaatitaavutit
- Oqartussaqarfiit akisussaaffigaat oqalutsimik pissarsinissartik
- Oqalutsi suliatigut piginnaasaqartuussaaq, paasissutissat allanngunnginnissaat pillugu
- Oqalutsimik pisariaqartitsinerit pillugu nipituumik oqarsinnaatitaavutit
Paatsuungaguit pisinnaatitaaffiit atoruk. Allanullu aamma oqaluttuariniariuk.
Uumissuilluni pinerlunneq immikkoortitsinerlu suuppat, qanorlu iliorsinnaavit?
Uumissuilluni pinerlunneq iliuusaavoq pineqaatississutaasinnaasoq uumissuinermiillu aallaaveqartoq, soorlu uku pillugit:
- Sumiuussutsit
- Upperisat
- Suiaassutsini sorlermoortuuneq
- Suiaassuseq
- Innarluuteqarneq
Sakkortuuliornerusinnaavoq, siorasaarineq, aqqusinermi nilliaffigitinneq, neriniartarfimmi/imerniartarfimmi/klubbimi itigartitaaneq, killissamik qaangiiffigitinneq imaluunniit allatigut pissusilersuutigineqartuni killissamik qaangiiffigitinneq.
Qaqugukkut politiit attavigissavigit?
- 112-mut sianerit pinartumik uloriartorsioruit imaluunniit inuuninnik ulorianartorsioruit
- 114-mut sianerit uumissuilluni pinerluffigineqaruit, kisianni pinasuartumik ikiorneqarnissamik pisariaqartitsinak
- Aamma nammineerlutit politeeqarfimmi nalunaarutiginnissinnaavutit imaluunniit allagaqaasiornikkut nalunaarusiorlutit
Pisut uppernarsakkit
Uumissorneqarneq, immikkoortitaaneq imaluunniit sakkortuuliorfigineqarneq misigigukkit uppernarsaasiornissaq pisariaqarpoq:
- Misigisat sapinngisamik sukkanerpaaq atorlugu allaguk
- Suut oqaatigineqartut imaluunniit iliuuserineqartut, piffissaq sumiiffillu allakkit
- Allakkat, screenshotsit imaluunniit uppernarsaataasinnaasut allat toqqukkit (soorlu immiussat assilluunniit)
Uumissuilluni pinerlunneq pillugu pillagaasoqassappat, uumissuissutaasoq uppernarsarneqarsinnaasariaqarpoq. Takunnittut, allatat ikkussallu aalajangiisuusinnaapput.
Ulluinnarni immikkoortitaaneq
Neriniartarfimmi, imerniartarfimmi imaluunniit klubbimi kinaassutsit pillugu itigartinneqaruit tamanna unioqqutitsilluni immikkoortitsinerusinnaavoq, pimoorussassatullu tiguneqartariaqarluni. Kisimiinngilatit. Killiliineq ikiortissarsiornerlu ilinnut allanullu massakkumut siunissamullu illersuutaasinnaapput.
Sukumiinerusumik ikiortariaqarpit?
Siunnersorneqarnissamik, tapersersorneqarnissamik imaluunniit oqaloqateqarnissamik pisariaqartitsiguit suliaqarfiit kinguliani allassimasut attavigisinnaavatit:
Attavissat taakku tamarmik paasissutissanik, aqqutissiuussinermik tapersersuinermillu ikiorsinnaavaatit, amerlasuullu akeqanngitsumik siunnersuisarlutik.
Stenbroens Jurister
https://www.stenbroensjurister.dk/
SAND - De Hjemløses Landsorganisation
Oqar.: +45 89 93 70 60
Københavnimi Kalaallit Illuutaat
https://sumut.dk/
Odensemi Kalaallit Illuutaat
https://www.dgh-odense.dk/
Aarhusimi Kalaallit Illuutaat
Oqar.: +45 31 21 72 06 Oqar.: +45 86 11 02 88
Aalborgimi Kalaallit Illuutaat
https://dgh-aalborg.dk/
Institut for Menneskerettigheder - Diskriminationslinjen
https://menneskeret.dk/diskriminationslinjen
Offer Rådgivning
https://offerraadgivning.dk/
Ataatsimoorluta ilisimasanik toqqissisimanermillu pilersitsisinnaavugut
Paasititsiniaaneq una paasisanik ingerlatitseqqiinissaq anguniarlugu pilersinneqarpoq, aammalu eqqaasitsissutiginiarlugu kikkulluunniit misigisaminni kisimiinngimmata.
Inuit attaveqaqatigiittarfiitigut paasititsiniaanerup malinnaavigineqarnissaa, aammalu oqaluttuat siammarterlugit kiisalu illit allallu tapersorsorniarlusi paasissutissat maaniittut atornissaat kaammattuutigaarput.
Paasititsiniaaneq ugguuna malinnaavigiuk: